作為Lubeman，除左對唔同KY有研究之外，其實對上油筆都有唔少既要求。
下面將根據個人同牙Jeff做既經驗(?)，為唔同筆評分。
如果有興趣學上油既朋友都可以報名參加我地既workshop嫁。
首先講下自己既要求先，我自己上油就主要分3 part黎上:
Bottom housing (底蓋)
Spring(彈簧)
Stem (軸心)
基本上都係一次過lube完一樣再一樣。而為左保持軸既一致性同埋速度，牙軒係呢兩年lube軸生涯入面買左超過30支唔同既筆上油，目的就係將呢個痛苦既時間縮短，同時keep到一定既質素。
下面既分析都係根據我個人經驗既分享黎，我知道有部份我推介既上油筆都比其他貴。如果你只係lube得100/200粒軸既話其實真係平平地買支0號筆就okay，但係對部份已經投資左唔少既朋友黎講，我推介果幾支筆絕對值得入手，可以幫你減輕唔少lube軸既痛苦。
買模型筆可以去深水埗福利模型到買。
套裝建議
窮撚套裝(~$0)：
DLLM窮撚唔好學人玩Mechkey啦
仲要咩野學人上油
用淘寶D垃圾筆Lube到既話咁condom都得啦
新手套裝(~$50)：
田宮(雙星) 面相筆 小
上油專員(~$350)：
田宮(雙星) 面相筆 小
GodHand 面相筆 極細
GodHand 平丸 M
土豪專用(~$500)
田宮(雙星) 面相筆 小
GodHand 極細
GodHand 平丸 M
GodHand 面相筆 S // 田宮(雙星) 面相筆 小
GodHand 平筆
先講我唔鍾意用既水彩筆：
不知名淘佬垃圾筆
通用程度：★☆☆☆☆
耐用程度：☆☆☆☆☆
使用頻率：☆☆☆☆☆
推薦程度：☆☆☆☆☆
推薦使用部位：-
價格：$0-$20
好多時你係上面買油都會送果支垃圾筆，你未用之前已經化開晒。
如果你係都堅持要用呢支垃圾上油，我都係建議你quit左呢個hobby佢。
唔想lube到好似CJ咁麻煩睇埋落去。
水彩0/00號筆
通用程度：★★★☆☆
耐用程度：★★★☆☆
使用頻率：☆☆☆☆☆
推薦程度：★★☆☆☆
推薦使用部位：-
價格：$30-$100
其實小弟用既水彩筆唔係好多，一開頭果陣係旺角有間美術用品鋪入面買左0同00號筆返屋企學lube。感覺到呢類型筆有幾個問題。
因為佢地係水彩筆，要用水既張力去令到支筆尖。而我地上油好多時都係用比較濃既油，而且份量唔多，好難令到支筆成到形。
個筆尾位置比較肥大，對比我自己用既模型筆，上bottom housing容易頂住，難上油同埋控制份量。
唔知係咪我用既牌子問題，定係真係水性筆特性，我lube 100-200粒支筆已經化開晒。而且放耐左支筆會油尖頭化到好似平頭筆咁。
不過我用既水彩筆真係唔多，唔排除真係有牌子既筆可以做到好好既效果。如果有朋友真係搵到既都可以係下面留言同我講下。
田宮(雙星) 高級面相筆
通用程度：★★★☆☆
耐用程度：★★☆☆☆
使用頻率：☆☆☆☆☆
推薦程度：★★☆☆☆
推薦使用部位：全能，但係唔夠面相筆好用 (Bottom Housing > Stem > Spring)
價格：$50-$70
唔好比佢高級兩個字呃左，我基本上係唔會用呢一支筆既。
我自己只係買左中碼返黎試，佢比下面果支大支，難控制，容易化開。
不過相對黎講，個人覺得呢支比較易買，如果急用都可以買黎頂住先，長遠都係建議用返下面果支。
田宮(雙星) 面相筆 小
通用程度：★★★★★
耐用程度：★★★☆☆
使用頻率：★★★★★
推薦程度：★★★★★
推薦使用部位：全能 (Bottom Housing > Stem > Spring)
價格：$30-$70
基本上係人都應該有一支既上油筆。平，大細完全貼合slider同stem pole位，唯一既缺點就係耐用度比Godhand差，大約lube 六百粒筆頭會開始變型，一千粒支筆頭會化開，但係都仲可以用。我自己大既一個月就要換一支新既。
留意返佢係有一支白色同一支黑色款，自己試過其實兩隻用落既手感同壽命都係差唔多，建議都係買返支平既黑色版就可以了。
如果打算一支筆lube晒成粒軸都可以，係lube stem既時候要注意份量。
GodHand 面相筆 極細
通用程度：★★☆☆☆
耐用程度：★★★★★
使用頻率：★★★★☆
推薦程度：★★★★☆
推薦使用部位：彈弓
價格：$120-$170
呢一支係個人認為lube彈弓最好既一支筆，佢既長短同吸油既份量都係剛剛好。
如果你係一個會分開油上彈弓既朋友，可以考慮買一支返黎試下。
邊個同我講佢自己玩bag lube既好行唔送。
GodHand 平丸
通用程度：★★★★☆
耐用程度：★★★★★
使用頻率：★★★★☆
推薦程度：★★★★★
推薦使用部位：Stem及衛星軸(Housing及stem)
價格：$120-$170
呢一支係第二支一定要買既筆黎。佢有分大中細碼，我比較推薦買中(M)碼。
呢一支筆係完全貼合Stem 4個表面，抹兩下就可以lube好一面。
而且佢同衛星軸既stem都係prefect fit，係housing位差少少。 同一支筆可以上晒stem同stab。我諗唔到唔推既理由
GodHand 面相筆 S // 田宮(雙星) 面相筆 小
通用程度：★★☆☆☆
耐用程度：-
使用頻率：★★☆☆☆
推薦程度：★★★☆☆
推薦使用部位：Top housing，Stab調教，其它微調用
價格：$50-$100
呢兩支我當年係想買黎lube spring既，但係佢個頭比較幼同埋短，上彈弓既份量唔係好夠。
而家我多數用黎Lube Top housing左右頂位，同埋Stab唔夠有既時候可以隊D油入去Stab入面(係呀我支有針筒呀，不過老人家覺得咁樣整開心D)
呢兩支唔係一定要買，有錢先是但買一支黎看門口。
GodHand 平筆
通用程度：★★☆☆☆
耐用程度：★★★★☆
使用頻率：★★☆☆☆
推薦程度：★★★☆☆
推薦使用部位：Bottom housing slider，stem slider
價格：$50-$100
呢一支筆都係非必要，因為佢筆頭短而且同slider prefect fit，如果你只係想lube slider位而唔其他部份，呢一支筆完全就係你要既野。但係好多時我都會lube埋bottom housing個底同埋stem pole位，用返 面相筆 小 會輕鬆少少。建議買左 面相筆 小 之後，睇情況先買。
GodHand面相筆修復液
使用頻率：★★☆☆☆
推薦程度：★★☆☆☆
價格：$50-$80
我買呢支野本身係想延長支筆壽命，但係效果無佢條片咁顯注。
結論係唔建議大家買，如果支筆化開都係建議買過支會方便D。
